Wemma gscheit isch, bleibt ma ledig
so steht's scho en dr Pauluspredigt.
Zwische' zwanzg ond dreißge aber
sticht dia jonge Leit dr Haber
ond se weand mit eller Gwalt
- da ke'tscht 'ne grad da Kopf na reißa -
en den saura Apfel beißa,
so isch's; se heiret halt.
Hoachzich, Hoachzich, descht a Fescht,
so an Dag kommt it glei meh!
Glaub m'rs, vo' dr ganza Eh
isch dr A'fang s bescht!
0 wa hend se fier a Kirbe
mit em Schleier, mit em Kranz!
,,Nohmol Haohzich - liaber stirbe!''
Währle, d Braut verbibbret ganz.
Uf em Standesamt goht's schnell.
Ear said: Jo, ear däd se nemma.
Sie said glei: Ha jo, se wöll!
Dadruf geit's dr Schultes zemma:
,,Wenn r enand weand,
noh gent enand d' Händ.
Im Namen des Gesetzes,
Jetzt gilt es!
Nix fier oguat, i gratlier!''
Fertig, ab ond naus zur Dier.
En dr Kirch goht's nandernoch,
d' Brautleit saget nohmol: ja.
Dr Pfarrer loht en Spruch als na':
,,so jetzt send'r Weib ond Ma'.
Leabet et em Ohverstand und
send z'frieda mitenand.
Descht koa Konst em erschte Monat,
do isch d' Liabe no a Gwohnet,
da isch's Mögetse no groß,
aber freile
noch ma Weile
gobt dr Weartich wieder los.
Jeder Ma hot seine Mucke,
jedes Weib bot ihre Däg
ond ma muaß a manches schlucke,
's goht et älls da grade Weg.
Dent uich's Leabe net versaure
denket dra: dia Eh muaß daura,
ond des Gschempf ond des Gebruddel
wege jedem Katzedreck
des bot grad so wenig Zweck.
Kuaz: ma braucht a grause Kuttel
ond a Haut wia 'n Elefant,
wemma gschirra will mitnand.
So, ond jetzt en Gottes Nama
kennet r gefeschte
Amen.
Steffen Klupsch 2000-03-24